送院途中

我會講套戲是不錯，我會形容，雖然套戲在劇情鋪排執行上有不足，但演員演繹可搭救。首先，我會講，卓導的確有她的想法同主軸，我會覺得，她想藉此片來講，港人對離別這件事所衍生出的矛盾同迷失，個人覺得這方面她是寫得到位。但在整合故事技巧上，她的執行依然不夠火候，好多劇情位雖有其形，但神韻卻捉不夠，這樣無疑是令套戲失分。但在演繹上，卻可挽回一定程度分數，無論是古老板、修哥或演古戲中女兒的蘇悅弦，演繹均是好。我會講，古好難得地，在細緻情感演繹處理上演得好，其實一向這點無疑是他的弱點，但在這套中，他卻可克服到，其中我喜歡他同女兒在坪洲的一段。咁當然蘇的演繹也是好睇，她的互動反應可令這段的質感有所提升。而他同修哥之間的互動，也是套戲一大亮點，他倆之間的火花同碰撞的確擦得好，這樣也令套戲有所昇華。痴·影·夢·藝 X 的專頁 https://www.facebook.com/ckwunmovie/

個人覺得既然救護員為主角，應在救援員工作特色多加描繪，明白導演不期望以危險特技為賣點（可能製作成本限制），應大膽對救護員家庭愛情事業多加立體描繪，移民這個題材已不是熱點。雖然這個劇本說話力較弱，可幸是片中演員都是十分優秀，古天樂先生演技細利，游、蘇和袁演出稱職，那小女孩十分可愛。聽說，由於製作費短缺，香港新導演作品可能只有10天，8天拍攝期内完成，香港電影人真犀利，有心和有能力。支持香港電影事業，入院看電影。

電影本身只有97分鐘已經唔算長，重要係已經包含咗游學修同袁澧林果段像霧又像花唔知講嚟做乜嘅感情關係，顯示出主線故事內容更加短。幸好導演/編劇喺主線父女情處理得幾好，而且父女演出亦不俗，觀眾仍能感受到父女相親相愛、又難捨難離之苦。不過人物塑造同關係方面有啲模糊不清，古天樂同游學修兩個工作上一時你又話佢唔跟protocol，一時又輪到佢話你唔跟protocol，到底邊個先係專業？咁兒戲嘅？負責揸車果個喺套戲裡面有乜作用呢？袁澧林角色同樣模糊，同游學修果條感情線突兀奇怪，游學修無啦啦突然發老皮話要分手唔想害咗條女又係唔知做乜。睇完成套戲離開戲院我只係覺得睇咗古天樂同小妹妹嘅一段父女情，亦只有呢個記憶點，其他角色同人物都好模糊。另外，電影殺科果場拯救巴士意外場景流咗啲，緊張氣氛亦差咗啲，應該都係資金嘅問題，理解嘅！整體故事較薄弱，但主線父女情仍算到位合格，最重要係古生擔正主角大旗，其個人魅力足以令觀眾不問好醜就要狗衝買飛入場。而事實係睇完本片後，本人認為淨係睇古天樂做呢個爸爸已值回票價，大滿足！👍 PS. • 最後拯救隊第二朝完成拯救會見到四仔同十二少當時做咖哩啡。• 今時今日嘅古生真係幾有charm，任何電影觀眾會因為有佢演出而買飛入場，好似發哥咁。

套戲睇完feel唔到係卓導作品…估唔到會有呢類題材！游學修好大進步…演得自然，幾好，亦都好有火！潘燦良角色幾搞笑生鬼…令套戲生色不少！古天樂亦繼續老戲骨…都真係扮乜似乜，屈機！整體都寫得幾好睇，無悶場！👍🏻

特別主題，單純付出救人是素人人生，但加左移民話題connect 大家身邊發生既事。不過不失的港產片

我唔明白為何網上評價大多數都屌係爛片，我覺得《送》無論剪接、劇情張力、起承轉合都係合格以上。剪接整體流暢有序，比起今年睇過嘅《曾經擁有》都唔知高明幾多倍。有人話剪接劇情鬆散，比如幾場鬧交文戲完得係有啲突兀，覺得對話無結果又飛去下一幕（同理有人話破地獄都係咁？）的確過場時嘅剪接係有待改善，電影整體都係線性過程，角色穩定進步呢類風格係無咩難度。但當中嘅對白我自己睇就係點到即指，係咪所有野、所有對白講哂出黎就叫有結局？我實在唔明白今時今日睇戲是否需要劃公仔劃出腸？我覺得幾個主要角色人設已經非常突出，比如修哥幾句對白已經知同屋企人關係點解唔好，唔通真係拍哂個老豆出黎，哦佢要修哥廿歲就讀大學、廿五歲呢就常春藤大學碩士畢業咁先叫詳盡描寫？咁拍真係會好睇？《送》主線講救護員幾個場面已經算交代得唔錯，睇戲角度係有少少唔夠喉，想佢講救護員點樣拯救生命多啲，但其實救援員真實工作我諗7成都係呢啲無無謂謂嘅Call，真係咁多大獲野咩？重點幾個Case已經足夠；所以套戲要支線父女關係+移民同修哥+爛口文青女神襯托。修哥同袁灃林感情屬於「劇情殺」，強硬加感情劇比佢地又係迪卡儂鬧交無頭無尾，而我個立場同修哥一樣唔會有細路，所以真係幾明白修哥個part搞緊咩，不過細節上可以處理得更好；而移民我不予置評，但其實套戲都5年前拍，想探討移民問題無可厚非，不過古天樂因為不能移民只能送個女去呢段戲情的確「轉」得突兀。其實前段幾位要角演繹上都到位，救護車上3人火花都十足，小妹妹都好有戲。只係尾段「轉」個part火候不足，好多野想探討但又無話寫得好通暢，整體劇情都屬於王道走向，的確無乜極度精彩嘅位，但又未至於去到爛片級數下話？