同夢奇緣之夢

個人覺得套戲是精彩，我會形容套戲如一本好獨特視覺同意味的少女日記。導演今次用了一種好細膩而討好的筆觸來編寫這個故事，這樣無疑令觀眾留下獨特餘韻。個人覺得這樣無疑令整套戲的質感有所昇華。而她在整套戲中意境塑造的技巧均是好出色，是套戲一大亮點，無論是一開首對雲的敘事、霧中樓梯同用女主角行複雜樓梯的隱喻處理，也是十分精準地同套戲主軸匹配。這樣好顯示出導演的才華同獨特觸覺。其實，當睇完這套後，也令我對這個三部曲其餘兩套產生了期望。痴·影·夢·藝 X 的專頁 https://www.facebook.com/ckwunmovie/

本片是一篇坦率情真富幻想的少女心事，電影是挪威語，但其中英文字幕富感情並表達細緻，很有詩意，文字力量强，讚。個人覺得，這電影關於同性間愛的描述有别於其他國家地區的製作，它是破框了，跨越了性別，是人與人間的愛，當然不同人有不同觀點。感覺很舒服、真緻和柔軟的電影。最後，電影也描寫了三代女性對追求愛的態度。

關於女同性戀嘅故事，但題材青純，故事切入點同表達手法獨特，大量由女主角自白式講出心中感受令觀眾以第一身去感受女主角初戀嘅內心世界同少女情壞，導演處理得幾好。女主角選角正確，演出亦自然，富少女青澀 感。其他角色演出亦出色。娜威電影好少機會睇，電影中嘅北歐風情都係一種幾唔錯嘅觀影感受。PS• 片中所謂"女教師" cafe内一知道女方母親冇打算起訴時即刻變臉，反守為攻攞返個彩，正衰人。但呢場cafe戲幾好睇，母親同女教師都做得幾好👍• 睇呢套戲嘅時候，我唸起同期嘅"不赦之罪”，欠缺嘅就係人物同心態嘅細腻描寫。人物有細膩描寫，演員先會有發揮嘅機會。

全劇特別在於大部分對白係女主角獨白，將自己嘅小說讀出黎形成一套有聲書電影，老實講呢種風格係幾有趣。可惜呢個單戀故事真係幾沉悶，睇到我後面有位觀眾真係發緊「同夢」，我本人都有少少想瞓。反而媽媽同婆婆個互動我認為更好睇，兩人互串個幾下幾有火花。不過呢個看似「酷兒覺醒」嘅故事其實細思極恐，大家有睇過《The Hunt誣網》就會明白，看似處於權力鏈下層嘅雞蛋如果砌個老師生豬肉，成套戲發展方向可以完全唔同……不過電影整體都偏向美好，老師最後識守住底線，女主角亦真係想寫低個初戀回憶而已。最後留下開放式結局係完得唔錯，而且成套戲幾乎係無出現男人，好難想像到一個大男人導演可以拍出如此細膩嘅女人心思電影。但都改變唔到電影真係好悶…女主角嘅心思真係好年輕…其實無咩特別。

將少女日記公開既一部戲，所以幻想同內心世界都展示出來

睇睇下我隔離戈個人訓着咗，成套戲都幾深刻表達到青春期少女單戀戈種狀態，只係個內容悶咗啲有啲平淡，可能亦都係想表達對於女主角而言係一場動拍驚心的戀愛（單戀），對於另一個人而言只係君子之交淡於水，最後歸於平淡，最後各有各生活，將內心曾經熾熱的感情放在回憶之中，繼續展開各自人生，咁都係好的結局