看我今天怎麼說

個人覺得套戲是精彩，我會講，修平今次的執行同描繪也好細膩，好令觀眾深深了解到聾人對何為正常的矛盾同掙扎。講真我好喜歡他去塑造戲中角色個性同演變的處理，他今次的著墨技巧處理好細緻同精準，三位主角的描繪也是好令觀眾深刻，其中我最喜歡他們互相之間的互動，尤其是大排檔的一幕，這點好令套戲產生出令觀眾念念不忘的質感，這點修平的確英記一功。還有個人覺得，修平還想藉這個故事來寫出聾人對選擇用手語同口語之間矛盾同掙扎，這點他的處理的確好細密，其實三個角色是代表三個立場，但他對三位的心態描繪也是好睇。咁當然，這套在塑造聾人獨特世界的音效處理真是精彩，我會講，今次所用音效處理無疑是在近年港產片，其中一套最令人深刻、最有深度同最下心機雕琢的一套，他這樣混入複合噪音同海下獨特寧靜的處理，可以令套片有著大幅度的昇華。我大膽講，這套好值得拿今年金像獎最佳音效處理。演繹方面，無論鍾說、游修的演繹也是精湛，個人會比較喜歡鍾說多於游修，主要因為她在演繹情感改變的細緻度同執行也較游更為深刻同細膩。其中我最喜歡在尾段她在天台感受聾人寧靜的場口。PS：片尾曲的確好好聽，陳蕾今次的演繹無疑可令首曲更有共鳴。痴·影·夢·藝 X 的專頁 https://www.facebook.com/ckwunmovie/

電影令我印象最深嘅係以第一身去體會聾人嘅感覺，尤其電影開始冇耐喺音效嘅安排，除咗直接讓觀眾親身體驗失聰及耳蝸失靈嘅感覺，亦令觀眾更快入戲同理解角色感受，從而理解故事劇情發展，值得一讚。故事本身並非什麼曲折離奇、扣人心弦類型，都係果種比較日常嘅表達手法同寫實嘅劇情，講述兩男一女聽障青年喺生活同成長上嘅態度同選擇。故事性唔算好強，主要喺想帶出聽障人士嘅困難，要專重佢哋嘅選擇(手語)同埋社會對聽障人士嘅關注，亦有勵志嘅訊息，以上本片都係達到嘅。不過，電影並無講及游學修點解由細到大都咁堅持要用手語，並且討厭/抗拒人工耳蝸，如果喺呢方面加以著墨會另故事更有說服力，同埋明白點解要尊重聽障人士選擇用手語，不能完全禁止。本片另一talking point 當然係演員。新鮮出爐金馬影后鍾雪瑩演繹聽障人士到位，尤其係模仿聽障人士講嘢發音唔正，完全帶到觀眾入個角色，同填詞L 比有明顯嘅升呢。游學修演出亦出色，佢做手語果種有力同有自信嘅面部表情令角色好有個性同說服力，同佢小時候果個反叛小演員演譯亦好match 好一致。吳祉昊本身都係聽障人士，以新演員嚟講算係合格，但佢外型同身份喺本片嚟講還增添一點寫實感。另外要讚嘅係兩位小演員，演出活潑精靈、生鬼攪笑，絕對係本片其中一個亮點同笑點。整體電影比到觀眾一個機會去體驗聽障人士生活上嘅困難同感受，值得一看。PS. 本片其中一個訊息係要尊重聽障人士選擇用手語，等佢哋生活得更自在。而事實上其中兩位主角選擇使用人工耳蝸後都能夠融入正常社會，重擁有比唔少正常人更好嘅發展，相反游學修堅持只用手語就只能圍爐，活在小圈子，以抹車為生，連理想成為潛水教練都做唔成。導演是否應該在片中加番啲篇幅正面咁去睇人工耳蝸同鼓勵聽障人士使用人工耳蝸，融入社會呢，另故事平衡/全面啲呢？(戴咗頭盔先...本人對人工耳蝸並無認識，亦唔知價😅)

鍾雪瑩飾演的聾人超有代入感，戲中帶領觀眾走進聾人的世界，到底是嘗試做“正常人”定係做自己，故事平凡但極具感染力！女主角非常努力讓自己成為"正常人"，無奈一開聲就已經不可能。老實講間公司對佢唔差，但就是格格不入。慶幸佢後來揾到真正屬於佢嘅世界，真係好感動，佢嘅內心獨白好有感染力，睇到佢同個細路女用手語講野果度，真係喊咗出嚟。另外戲裡面把人工耳蝸跟手語拉成對立面，實為想觀眾理解兩者可以共存，都是聾人可以選擇的生活方式。4.8/5（95分）------------今日介紹朋友去睇（我自己睇第二次），遇到導演，alan同埋聾人手語指導嚟傾計，有拍攝心路歷程，即場手語翻譯，同埋手語教學（如戲中所講唔洗翻譯）各人都有用心，尤其是alan，讚！

唔再用小聰明，而去講一個扎實嘅故事，係導演成熟同有信心嘅表現，亦終於 擺脫咗狂舞派嘅魔咒。講尋找自我同身份認同，有淡淡哀愁。有駕輕就熟嘅杜魯福祖與占兩男一女關係，冷處理三角關係，專注主題係高章。鍾雪實至名歸，好快令人忘記佢演員身份，而真係弱聽人，完勝張艾嘉。游學修唔好彩，吳祉昊手語係佢母語，兩個拍埋，高下立見。

難怪鍾雪瑩攞到最佳女主角，如果我係評審我都會揀佢（利申入圍個5套已經睇哂）佢演活左一個由細到大戴人造耳蝸，想「扮」自己正常，之後結識左一班聾人朋友，學識打手語後，又比大部分聾人排斥，結果兩頭唔到岸，個種拉扯嘅心情，攞獎係實至名歸；另外修仔都做得非常好，打手語打到好似母語咁，睇得出下左唔少苦工；新演員吳祉昊作為素人出道之作亦合格有餘，而且佢係真正嘅聾人，如果想繼續係呢行發展，真心祝福佢！三位主要角色人設立體，性格分明，而且三個都有各自想探討嘅野（詳細唔劇透），用聾人去討論身份認同處理上做得極好。劇本人設飽滿，細節上都處理得唔錯，最深刻係聲音音效，刻意模仿聾人會聽到嘅效果：嘈音、雜音、人聲、潛水時水聲、完全靜止等等嘅聲音完美交織，我認為呢套戲係今年最好睇嘅港產片（好過破地獄，但未睇未計爸爸）我強烈推薦大家上映時睇！另外《看》同另一套我覺得又係好好睇嘅《聽見兩個世界》都係講聾人，但著眼點完全唔同，想探討嘅野南轅北轍，但細節上又異常相似，比我多角度了解更多聾人嘅文化，非常好！睇戲真心好正！