暗算2

3.8⭐係一套有劇情、有佈局、有動作、亦帶點幽默，要花啲精神去嗒劇情嘅動作片。雖然未至於非常出色，但本人都幾enjoy嗒嘅過程，冇腦爽片睇得多都要轉下口味嗒下劇情。本片係多年前“Accountant"嘅續作，但故事基本上係全新，只沿用第一集嘅主角人設同世界背景。主角Ben Affleck係一名專業會計師，但嚟到第2集，有關公司會計及財務內容已差不多減到冇，只係喺故事中加入一小段劇情比主角展示其會計及財務才能，話比觀眾知你哋而家睇緊嘅係“Accountant 2"。其餘99%劇情都係調查犯賣人口集團同動作場面。故事並非十分寫實，當中涉及智勇相全嘅男主角、身手非凡嘅女殺手、患有罕見病症而IQ超高但非常隱藏同神秘嘅天才組織，加起上嚟尚算玩出趣味同戲味。整體合格有如，兩個小時長我都唔覺悶一路睇落去，傑作絕對講唔上，但絕對係一看無妨。PS. 現實世界有鬼咁型咁堅嘅會計師咩！睇完Ben Affleck再望下波叔.....借錢可以當收入....哎~~~！😩

個人覺得今集整體是好睇，比較首集，今集所描寫的人味更濃。無疑比較上集，今集整個調子也是沒這樣嚴肅同冷，這樣無疑可令新接觸的觀眾容易了解這個系列中的世界。而個人也會覺得，導演想藉今集來寫出，擁有高智商的SEN人也會去作出改變同懂同手足建立互動關係。而的確，今集主軸是改以主要描寫兄弟之間關係的演變，個人覺得這點導演處理很好，好多位的著墨同其衍生的幽默位也好到位，這樣可以令套戲更紮實同耐看。咁當然這集有些位，也保留這個系列獨特有的元素，例如主角對洗黑錢機制獨特的觸覺同對藝術品獨特的癖好。PS：美洲人真是喜歡玩bingo痴·影·夢·藝 X 的專頁 https://www.facebook.com/ckwunmovie/

如題，一開頭就一大堆謎團，有待逐步解開，男主角嘅人設十分“人機”頻生笑話，而中段有很多兩兄弟的純對話有輕微悶場，至於動作場面不多。4.4/5 （88分）

還好無沒上集(2016)般嚴肅，男主角與依法辦事的副局長之間的互動十分搞笑，而他與弟弟之間的「合拍」也非常可愛，突顯出其自閉症和會計師的角色設定，這樣的組合非常巧妙。有貓，唯弟弟出場後，就局長退居二線，雖然兩者都跟男主角各有笑語～雖然男主觀察入微，且表達上可能有困難，卻依然能夠溝到女在酒吧。有貓。跟他是開頭「有效」速配，不斷向求愛者講出吸引的字眼判若兩人！一大堆資料在自閉症男主角審核過後，還勁過甚麼AI消化得出關係。不懂直視，反而引來社會更多人。此外，背後查案的技術支援也相當出色，幾乎能夠從任何有電的設備中提取出所需的信息。有貓～這班年輕黑客跟不說話的首領比《復仇反擊者》更有技術。奸角BOSS的確無人性但又冷靜，必要時果斷犠牲一些「貨物」。

9年前《暗算》推出，有睇過但印象唔深。今次再入場，只覺得徒具虛名，冇法令我與部電影同步，編導冇營造到緊湊氣氛，有許多場面都唔知做乜，好似主角基斯胡夫（賓艾佛力飾）同佢頂尖殺手細佬布力斯（莊伯恩瑟飾）有兩三場對話，或去酒吧消遣跳舞，都冇紋冇路，可有可無。情節鋪排冇令觀眾感受到基斯胡夫嘅高智商，以及佢點様發揮潛能幫忙去尋找兇殺案幕後黑手。只覺得烏吓烏吓咁過咗兩個多小時，唔知係唔係我入唔到編導嗰條channel ，抑或佢哋徒勞無功？

一部娛樂性十足的續集，憑藉兩位主角的精彩對戲與幽默元素，成功延續首集的魅力。雖然劇情複雜度和動作場面未完全滿足期待，且自閉症描繪仍有爭議，但其作為一部兄弟情喜劇動作片的定位令人耳目一新。對於尋求輕鬆觀影體驗的觀眾，這是一部值得一看的電影，但若期待更深層的主題探討或更精緻的劇本，可能需要調整預期。始終到電影尾段，收尾急而且有點乏力去解釋一切，有種倉卒而難自圓其說的感覺。所以要娛樂，電影絕對合格，但追求燒腦的話，可能就不要要求太高了。其他詳細影評，歡迎來到爆米花族的世界參觀： Ig：popcornmoviehk