南韓民主家政課

個人覺得這套戲很好看很有意義，我會形容這套戲最精妙同精髓是它的時間線，這無疑令這套戲更具獨特性。講真，導演今次用比較隨意的敘事手法，感覺有如家庭影像日記般，但因為片中一些設計或巧合，反而令整件事更有說服力，同時因為片中人物之間的關係和位置，令其矛盾更為突出。而這套戲也彰顯出在韓國社會中，政治與 息息相 聯，雖然一般人未必像主角一家般有著這份獨特的對立。而個人覺得導演想藉這套戲嘗試去了解不同世代、不同立場的人，如何看待對方。痴·影·夢·藝 X 的專頁 https://www.facebook.com/ckwunmovie/

「提及民主時應該像花、節日般是件開心事，如果你們提及民主時欲言又止，感到顧慮，那麼就不是好的民主制度」出自紀錄片中公務員爸爸充滿智慧嘅說話。雖然佢整套戲守住公務員中立嘅立場無乜發表意見，但已經睇得出佢初入政府想改變政府嘅初心還在。《南韓民主家政課》有如家庭日常般敍事，導演善用自己一家有趣嘅身份，係公務員父親、社運母親同導演自己兩代立場之間探討，看似已經民主化嘅南韓經歷「世越號事件」「Me Too事件」等，到底南韓嘅民主是如何發展。整條紀錄片畫面攞得貼題；一時講下老豆一時講下阿媽之間來回得幾流暢；用佢地3人間嘅縮影去對照南韓國家大事做切入點，令南韓以外嘅人認識到更多佢地國家嘅民主幾好。片中亦出現尹錫悅成功當選嘅新聞，而家嘅我地睇到呢條友當然想問，南韓民主係到搞咩飛機呢？但如果導演係片中所講，無論邊個人做總統，日子還是要過的。起馬佢地可以全國民選總統，總統犯錯後仲有國會可以制衡，我地外人唔洗葡萄啦！