殺神John Wick之芭蕾殺姬

4.3⭐故事簡單、大路、直線，劇情發展都係expected。但導演處理得好，故事節奏推進得宜冇拖拉，動作場面分佈同故事取得平衡冇悶場，爽度幾高。👍全片好多嘢要讚。首先，女主角好正！有charm又抽得，打鬥場面入型入格，冇姐手姐腳，當然有唔少係替身，但總算打得出色，入得槍房，出得廳堂，打得又睇得。👍動作場面設計出色，又爽又有型格，唔會好似正傳果種帶cult味/玩味同太過戲劇性，打法同速度爽/快過奇洛嘅style。最鍾意火焰噴射器果場，設計出色，有新意，好精彩，畫面靚，我鍾意！燒雜魚好爽！👍另一個亮點係有殺神嘅加持，有佢點綴，成套戲精彩同抵睇好多。最後果句 "He is dead." 好正！👍今作攝影、剪接、CG都幾好，好多畫面都幾靚。音效方面，今作槍林彈雨、爆炸連連，音效出色，最好揾間音效好嘅theatre睇。整體係一齣高質爽片，睇完冇投訴，值得入場。👍PS.• 本人睇LUXE 大銀幕 + Atmos版，視聽效果滿意。• 覺得女主角+John Wick 重好睇過盲公+John Wick 😅• 殺手組織大嬸咁多人唔揾，揾個有獨立思想嘅Johnwick去做嘢，真係自己攞嚟衰！🤣• MCL 會員入場有A3 海報送，其他院線就唔知。• 字幕後冇彩蛋PS 2• 我2刷咗MX4D版，下半場感覺唔錯。• 睇咗兩次都未能exactly define 對家到底同樣係一個收錢做嘢嘅保安及殺手組織(行家)？還是係一個黑幫？還是係邪教/宗教組織？民族？有冇師兄可以賜教？😊• 攞埋Johnwick款海報

Always a fun time watching Ana de Armas kicks some ass, with style!!The movie admittedly is quite shallow, and it has a weak opening. Fortunately it gets progressive better as the action sequences kick in. The creativeness of its weapon usage and stage choreography make it worthwhile as a theatrical experience.The movie also pays good homage to John Wick, I think fans will find this movie respectable of John Wick’s legacy, and find his sequences entertaining in equal measure.Overall, I’m not getting tired watching Ana de Armas rocking in cool outfits and firing flames at people. Looking for more.Verdict: 78

今次涉及殺人組織是個邪教組織，成條村民都係佢信徒，所以殺極都有，而且十分忠心。殺人手法已不滿足於徒手和刀槍，手榴彈和噴火槍更具觀感，具新鮮感。攝影鏡頭優美富藝術。幾釋壓的X人電影。

同前作一樣，不停打不停殺，好多動作場面，其中超過一半係1v1，玩嘅武器亦多元化(其中喺餐廳嘅某道具仲好好笑~) 主角係身材細小嘅女仔，所以打鬥更多用技巧而非蠻力。至於故事就還好，有前作嘅影子但無佢咁引人入勝, 但勝在有靚女睇，整體同 John Wick 4 一樣咁好睇。4.8/5 (96分)

首先我鍾意女主角Ana de Armas，另外多謝AI，令我見返死咗兩年嘅Lance Reddick（酒店掌櫃），仲有Hallstatt（外景場地）真係好靚，但除咗以上之外，哩套係John Wick系列最令我失望嘅一套！1. 打鬥，同上幾集招式差唔多，冇乜新動作新花款，雖然仍舊誇張但冇以前咁誇張，至少冇咗John Wick嘅防彈西裝！Ana飾演嘅Eve係女殺手，打起上嚟始終欠缺男性嘅勁度，而且係「女人打法」偷桃踢男人下陰，有幾好睇呢？最後John Wick出場，可惜歲月催人，睇住Keanu Reeves拔鎗都窒下窒下，冇晒以前嘅瀟灑利落！2. 劇情，前後兩對父女，都係爸爸要帶個女離開殺手村，俾下一代可以過正常生活或有得選擇而衍生嘅故事，既然殺手村村長殺父都要搶個女返村訓練，點解會由得酒店經理喺警局帶走Eve？第二對父女個case仲得意，都搶到個女，點解唔殺死叛徒爸爸？喺Hallstatt，Ana已被擒，做乜唔手起刀落，仲講咁多？殺手村喎，個個殺人唔眨眼，仲同你傾咁多？真係好奇害死貓（三腳貓殺手）！？喺Hallstatt條殺手村都唔知點維持咗二百年，成村自少受訓嘅殺手，居然俾殺手家族嘅雌雄兩個殺手咁大把，殺到七七八八，仲連chancellor都打死埋，作客嘅仲熟路過主場，又話「猛虎不及地頭蟲」？咁廢應該一早滅咗族啦！殺手家族又奇怪，居然搵出名唔聽話嘅John Wick去處決Eve，先幾集嘅江湖追殺令形同虛設，結果John Wick同Eve一齊唔聽組織指示，兩個又俾組織落江湖追殺令，真係搵戲嚟做！總結：打鬥熟口熟面，故事弱智，侮辱觀眾智慧！