花樣年華25週年導演特別版 4K

經典電影唔講咁多（其實係想偷懶）美術、鏡頭、音樂、對白、意識全部都係王家衛。故事簡單但就係王家衛囉。其實我都係為特典場嘅野啫～好靚～目測同場多家人們就緊架啦，仲有唔少鬼佬、韓國人，千里迢迢黎香港睇《花樣年華》。王家衛+百大最佳華語電影先係真正嘅「說好香港故事」。

一個簡單的故事，拍出有戲味， 有舊香港情懷。燈光、對白、場景等等全部一流。就算再過多25年，我相信這套電影也不會過時，感覺一樣很好看。

多年前經典名作，小弟今日先第一次睇。😅編、導、演、美術、攝影、剪接、服裝、音樂....各方面皆出色，成就一套獨特、具風格、面畫又靚嘅經典電影。特別要讚嘅當然係演員張曼玉同梁朝偉，兩人甚有味道嘅造型令電影生色不少，尤其張曼玉，懷舊旗袍look好有韻味，好靚，同梁朝偉好襯。王家衛美學拍出好有style嘅畫面構圖。可以咁講，呢套戲集當時最強幕前同幕後嘅班底製作而成，要再見到下一齣同類型嘅經典睇怕幾難。本人幾鍾意此作。另外，字幕後果套重未曝光短片同樣精彩好睇。當時嘅張曼玉同梁朝偉真係正值最 fit 時期，型到爆錶冇得輸。👍PS. • 如果已睇過本片N次，只為睇未曝光短片而入場都值，部短片都好好睇• 雖然本片唔係 IMAX 拍攝，仍建議去iSquare IMAX theatre 睇，聲畫體驗點都會好啲，但票價同一般 theatre 一樣。

適逢《花樣年華》面世25週年，電影院正播放王家衞導演版，買票重溫永恆經典。這是一個出軌的故事。張曼玉、梁朝偉的發揮簡直顛峰。唸對白、眼神正到痺。偉仔公認好戲，Maggie更贏他一個馬鼻。她飾演蘇麗珍（陳太），秀麗漂亮，穿起旗袍上來，婀娜多姿。她演繹出含蓄、小心眼又心猿意馬的性格。受傳統中國婦女規範，劈腿就給人家話柄，視為不守婦道。畢竟寂寞難耐，丈夫疑有外遇，做飯心情也沒了，在新鄰居周慕雲 (梁朝偉) 面前含苞待放，欲拒還迎。周的太太亦疑偷食，周常獨守空房。無論靈感、靈性都處於飢渴狀態，「大文豪」自不然無限幻想。有一場戲，蘇：「我都估唔到你會鍾意我。」周答道：「我都估唔到，有啲嘢係不知不覺。」在金雀餐廳拍的兩場戲，第一場是飲野傾計，竟發現同是天涯淪落人，既然你做初一，我則做十五。第二場是互相試探，對白含蓄但調情十足。蘇把餐牌遞給周：「你幫我揀…我想睇吓你老婆鍾意食乜。」兩人點了牛扒，周放了些黃芥末在蘇的碟旁。蘇鋸開牛扒，點了醬，放進口，說著：「你老婆都幾食得辣㗎喎。」 有幾場戲都精彩，不贅。大膽用紅色主調，唯美的攝影、剪接（杜可風、張叔平）。還原60年代香港，拍得非常相似，特別是夜景街道以及搭的士場景，不像香港取景，難道在泰國？紀念25周年，片尾有彩蛋，相信是首次公映，不劇透，切勿錯過啊。更多精彩內容請follow我的Threads @mov_we

One of the most stylish, beautifully filmed and heart-breaking movies of all time, thanks to the marvelous acting of Maggie Cheung and Tony Leung, under the poetic direction of Wong Kar Wai. Unforgettable and timesless, 25 years later...